രോഗാവസ്ഥയിലുള്ള ഒരു അനിയൻ ചേച്ചിയെ കുറിച്ചെഴുതിയ, ആരുടെയും മനസ്സലിയിക്കുന്ന കുറിപ്പ്

 ഒരു മനുഷ്യൻ്റെ ജീവിതത്തിൽ ഏറ്റവുമധികം സ്വാധീനം ചെലുത്തുന്ന വ്യക്തികൾ അവരുടെ കൂടെപ്പിറപ്പുകൾ ആണ്. അച്ഛനും അമ്മയെപ്പോലെ തന്നെ കൂടപ്പിറപ്പുകളും ഏറ്റവും പ്രിയപ്പെട്ടവരാണ്. സഹോദര ബന്ധം എന്നുള്ളത് ആഴത്തിലുള്ള സ്നേഹവും, പങ്കുവയ്ക്കലും, കരുണയുമൊക്കെയാണ്. ഇപ്പോഴിതാ സോഷ്യൽ മീഡിയകളിൽ വൈറലാകുന്നത് ഒരു അനുജൻ ഫേസ്ബുക്ക് കുറിപ്പാണ്. അവൻറെ ചേച്ചിയെ കുറിച്ച് അവൻ പറയുന്നു. ലുക്കീമിയ ബാധിച്ച് ജീവിതത്തോട് പോരാടുന്ന അവൻ്റെ, ചേച്ചിയോടുള്ള സ്നേഹത്തിന്റെ കഥ കേൾക്കുമ്പോൾ ഏതൊരു മനുഷ്യന്റെയും മനസ്സ് ഒന്ന് പിടയും. 

സഹോദര ബന്ധത്തിൻറെ ആഴമാണ് ആ പോസ്റ്റിലൂടെ കാണാൻ സാധിക്കുന്നത്. അവൻ്റെ ഫേസ്ബുക്ക് കുറിപ്പ് ഇങ്ങനെയാണ്.വരണ്ട ചുമ കാരണം ഞാൻ 2018 ലാണ് ആശുപത്രിയിൽ എത്തുന്നത്. കാലാവസ്ഥയുടെയോ അല്ലങ്കിൽ ഇൻഫെക്ഷൻന്റേതോ മറ്റോ ആകുമെന്ന് കരുതിയാണ് ആശുപത്രിയിൽ ഞാൻ ചികിത്സയ്ക്ക് എത്തിയത്. എന്നാൽ വിശദമായ പരിശോധന റിപ്പോർട്ടിൽ എനിക്ക് ലുക്കീമിയ സ്ഥിതീകരിച്ചു. ഇത് അറിഞ്ഞതുമുതൽ ഞാൻ ആകെ തളർന്നു പോയി. എന്റെ ആയുസ് എണ്ണപ്പെട്ടത് പോലെ ഒക്കെ തോന്നി തുടങ്ങി. ജീവിതം അവസാനിക്കാൻ പോകുന്നു എന്ന ചിന്ത മനസിനെ അലട്ടിക്കൊണ്ടിരുന്നു, ഗുജറാത്തിൽ സ്ഥിര താമസമാക്കിയ മാതാപിതാക്കളോട് ഞാൻ കാര്യങ്ങൾ വിളിച്ചുപറഞ്ഞു. ഇത് കേട്ടപാടെ അവർ പാഞ്ഞെത്തി, ശേഷം എന്നെ വീട്ടിലേക്ക് കൊണ്ടുപോയി എന്നെ കണ്ടതും സഹോദരി ചിരികുകൊണ്ട് എന്റെ അടുത്തേക്ക് ഓടിയെത്തി. ചിരിച്ചു നിൽക്കുന്ന ചേച്ചിയുടെ കണ്ണിൽ നിന്നും തുരു തുരാ കണ്ണുനീർ ഒഴുകുന്നത് ഞാൻ കണ്ടു. വീട്ടിൽ എത്തി ചേച്ചി 24 മണിക്കൂറും ഒപ്പം ഉണ്ടായിരുന്നു . എന്നെ പരിപാലിക്കാൻ ഒരുപാട് ശ്രദ്ധിച്ചുഇടക്കിടക്ക് എനിക്ക് കീമോ തെറാപ്പി ചെയ്യേണ്ടതായി വന്നു. അത്രത്തോളം വേദന നിറഞ്ഞ നിമിഷം ഞാൻ ജീവിതത്തിൽ അനുഭവിച്ചിട്ടുണ്ടായിരുന്നില്ല. ഒരു തവണ കീമോ കഴിയുമ്പോഴും വേദന സഹിക്കാൻ ഒരുപാട് പ്രയാസപ്പെട്ടു. വേദന കടിച്ചമർത്തി, കരച്ചിലടക്കി. ഇടക്കിടക്ക് ശർദ്ധിച്ചുകൊണ്ടിരുന്നു. ഇതെല്ലം കണ്ടുകൊണ്ട് പൊട്ടിക്കരയുകയായിരുന്നു എന്റെ ചേച്ചി. ട്രീറ്റ്മെന്റ് തുടർന്ന് കൊണ്ടിരുന്നപ്പോഴാണ് എന്നെ വീണ്ടും വിഷമത്തിന്റെ വലിയ ആഴത്തിലേക്ക് മറ്റൊരു സങ്കടം തള്ളിവിട്ടത്. എന്റെ മുടിയെല്ലാം നഷ്ടപ്പെട്ട് ഞാൻ കഷണ്ടിയായി. ഇതോടെ എനിക്ക് സഹിക്കാൻ പറ്റുന്നതിലും അപ്പുറമായി. സമധാനിപ്പിക്കാൻ വന്ന ചേച്ചിയ പോലും ദേഷ്യം കൊണ്ട് ഞാൻ ആട്ടി പായിച്ചു. എന്റെ കയ്യിൽ നിന്നും എത്ര ദേഷ്യം വന്നാലും, അവൾ എന്റെ കൈ പിടിച്ച് ഞാനുണ്ട് എന്ന് പറയുമ്പോൾ എന്തെന്നില്ലാത്ത ആശ്വാസം എനിക്ക് ലഭിച്ചുകൊണ്ടിരുന്നു.

എന്റെ മുടിയെല്ലാം പോയത് എന്നെ സംബന്ധിച്ച് ഒരുപാട് സങ്കടം നൽകുന്ന ഒന്ന് തന്നെയായിരുന്നു. ഒരു ദിവസം ഞാൻ ആ കാഴ്ച കണ്ട് ഞെട്ടിപ്പോയി. എന്റെ ജീവന്റെ ജീവനായ ചേച്ചി ഇതാ തല മൊട്ടയടിച്ചു എന്റെ മുന്നിൽ നിൽക്കുന്നു. മുടിയെല്ലാം നീക്കിയ ചേച്ചിയോട് “ നീ എന്തിനാണ് ഇങ്ങനെ ചെയ്തത്” എന്ന് ചോദിച്ചു ഞാൻ കരഞ്ഞുപോയി “എന്റെ അനിയന് നഷ്ടമായത് എനിക്കും വേണ്ട എന്ന് പറഞ് അവൾ ഓടി വന്നു കെട്ടി പിടിച്ചു കരഞ്ഞു. എന്റെ ഈ രോഗാവസ്ഥയിൽ എന്തിനും അവൾ എന്നോടൊപ്പം ഉണ്ടാകും എന്ന ബോധ്യം എന്നിൽ ഉണ്ടായിത്തുടങ്ങി. എന്റെ കീമോ സമയത്തും അല്ലാതെയും 24 മണിക്കൂറും അവൾ ഒപ്പമുണ്ടായിരുന്നു. ഞാനൊന്നു ചുമച്ചാൽ അവൾ ചാടി എഴുന്നേൽക്കും, ഞാനൊന്നു കരഞ്ഞാൽ അവൾ തലോടി ഉറക്കും, പേടിപ്പെടുത്തുന്ന ചിന്തകൾ എന്നിൽ നിന്നും ഒഴുവാക്കാൻ എപ്പോഴും സന്തോഷം നൽകുന്ന കാര്യങ്ങൾ എന്നോട് പറഞ്ഞു കൊണ്ടിരിന്നു.അടുത്ത ദീപാവലിക്ക് എന്റെ ട്രീറ്റ്മെന്റ് നിർത്താനാകും എന്നാണ് ഡോക്ടർമാർ പറഞ്ഞിരിക്കുന്നത്. ട്രീറ്റ്മെന്റ് നിർത്തിയിട്ടു വേണം എനിക്ക് ഇഷ്ടമുള്ള ഭക്ഷണങ്ങൾ എല്ലാം കഴിച്ചുതുടങ്ങാൻ. എന്തിനും എന്റെ ചേച്ചി എന്നോടൊപ്പം ഉണ്ട്. അതാണ് എനിക്ക് ജീവിതത്തിൽ ലഭിച്ച ഏറ്റവും വലിയ സന്തോഷവും ഭാഗ്യവും. എന്നെ സന്തോഷിപ്പിക്കാൻ എന്തും ചെയ്യുന്ന ചേച്ചിയും ഞാനും ഇപ്പോൾ പുതിയൊരു മത്സരം തുടങ്ങിവെച്ചിട്ടുണ്ട്. ആർക്കാണ് ആദ്യം മുടി കിളിർക്കുക എന്ന്. അതിന്റെ മത്സരത്തിൽ ആര് ജയിക്കും എന്ന് കണ്ടറിയാം. എങ്കിലും ഒരു ചേച്ചി എന്ന നിലയിലും അമ്മ എന്ന നിലയിലും അവൾ എന്റെ മനസ്സിൽ എന്നെ വിജയിച്ചുകഴിഞ്ഞു . ചിലപ്പോൾ നമ്മുടെ സഹോദരങ്ങൾക്ക് മാതാപിതാക്കളെക്കാൾ കരുതൽ നൽകാൻ ചില സമയങ്ങൾ സാധിക്കാറുണ്ട് . എനിക്ക് ലഭിച്ചപോലെ സ്നേഹ നിധിയായ ഒരു ചേച്ചിയെ എല്ലാവര്ക്കും ലഭിക്കട്ടെ അങ്ങനെ എങ്കിൽ ഒരു പ്രതിസന്ധിയിലും നിങ്ങൾ തളരില്ല… ഇതാണ് ആ അനിയൻ പങ്കുവെച്ച കുറിപ്പ്. ഇതിനോടകം തന്നെ ഈ കുറിപ്പ് സോഷ്യൽ മീഡിയയിൽ വൈറലായി കഴിഞ്ഞു. ചേച്ചിയും അനിയനും തമ്മിലുള്ള ആത്മബന്ധത്തിന് കഥയാണ് ഈ കുറിപ്പിലൂടെ കാണാൻ സാധിക്കുന്നത്. .