കടയില്‍നിന്ന് ദോശ മാവു വാങ്ങുന്നവരാണ് നമ്മളില്‍ മിക്കവരും. അതില്‍ അനാവശ്യ വസ്തുക്കള്‍ വല്ലതും പെട്ടിട്ടുണ്ടെങ്കില്‍ നമ്മള്‍ വല്ലാതെ അസ്വസ്ഥരാകും.എന്നാല്‍ അതൊരു സ്വര്‍ണാഭരണം ആണെങ്കിലോ? അങ്ങനെയൊരു അനുഭവമാണ് കൊച്ചിയിലെ സീരിയല്‍ നടി സൂര്യതാരയ്ക്കുണ്ടായത്.
കൊച്ചി ഏരൂരിലെ ഒരു കടയില്‍ നിന്ന് വാങ്ങിയ ദോശ-ഇഡ്ഢലി മാവില്‍ നിന്ന് സ്വര്‍ണമൂക്കുത്തിയാണ് സൂര്യതാരയ്ക്ക് ലഭിച്ചത്. തിങ്കളാഴ്ച രാത്രി വാങ്ങിയ മാവുപയോഗിച്ച്‌ പിറ്റേന്നാണ് ദോശയുണ്ടാക്കിയത്. കഴിക്കാനെടുക്കവെയാണ് അതില്‍ മൂക്കുത്തി കണ്ടെത്തിയത്.
തൃപ്പൂണിത്തുറിയിലെ അറിയപ്പെട്ട കമ്ബനിയുടേയുതാണ് ദോശമാവ്. ദോശ ഉണ്ടാക്കിയപ്പോള്‍ മൂക്കുത്തി ശ്രദ്ധയില്‍പ്പെട്ടിരുന്നില്ല. കഴിക്കാനെടുത്തപ്പോഴാണ് ദോശയ്ക്കുള്ളില്‍ മൂക്കുത്തി തിളങ്ങുന്നതു കണ്ടത്. പിന്നീട് ഉരച്ച്‌ സ്വര്‍ണം തന്നെയാണെന്ന് ബോധ്യപ്പെട്ടു. മാവ് പായ്ക്കു ചെയ്തപ്പോള്‍ മൂക്കുത്തി അബദ്ധത്തില്‍ ഊരി വീണതാകുമെന്നാണ് കരുതപ്പെടുന്നത്.
0 Comments