തന്റെ സ്‌കിറ്റ് കണ്ട് ഒരാള്‍ ചിരിച്ചു മരിച്ചുവെന്ന് നടി രശ്മി അനില്‍. സ്വകാര്യ മാധ്യമത്തിന് നല്‍കിയ അഭിമുഖത്തില്‍ സംസാരിക്കുകയായിരുന്നു രശ്മി. എന്റെ സ്‌കിറ്റ് കണ്ട് ഒരാള്‍ ചിരിച്ചു മരിച്ചു എന്ന് പറഞ്ഞത്. എനിക്ക് അത് വലിയ ഷോക്ക് ആയിരുന്നുവെന്നാണ് രശ്മി പറഞ്ഞത്.
‘കൂടുതലും സ്‌കിറ്റുകളിലൂടെയാണ് ആളുകള്‍ എന്നെ തിരിച്ചറിയുന്നത്. അങ്ങനെ പുറത്തേക്ക് ഇറങ്ങുമ്പോള്‍ തിരിച്ചറിയുകയും, സ്‌നേഹം നേരിട്ട് പറയുകയും ചെയ്യുന്നത് വളരെ അധികം സന്തോഷമുള്ള കാര്യമാണ്. ആരും വെറുക്കുന്നില്ല, എല്ലാവര്‍ക്കും നമ്മളെ ഇഷ്ടമാണ് എന്ന് അറിയുന്നത് തന്നെ വലിയ കാര്യമല്ലേ.
പ്രത്യേകിച്ചും പ്രായമായവര്‍ ഇഷ്ടപ്പെടുന്നു എന്ന് അറിയുമ്പോള്‍ വലിയ സന്തോഷമാണ്. പക്ഷെ എന്നെ വിഷമിപ്പിച്ച ഒരു സംഭവം ഉണ്ട്. എന്റെ സ്‌കിറ്റ് കണ്ട് ഒരാള്‍ ചിരിച്ചു മരിച്ചു എന്ന് പറഞ്ഞത്. എനിക്ക് അത് വലിയ ഷോക്ക് ആയിരുന്നു എന്ന് രശ്മി പറയുന്നു. ടിവിയില്‍ സ്‌കിറ്റ് കണ്ടു കൊണ്ടിരിക്കുമ്പോള്‍ അയാള്‍ ചിരിക്കാന്‍ തുടങ്ങിയത്രെ. ചിരിച്ച് ചിരിച്ച് ശ്വാസം കിട്ടാതെയായി മരിച്ചു എന്നാണ് എന്നോട് പറഞ്ഞത്.
ഭര്‍ത്താവിനൊപ്പം ഒരു കല്യാണത്തിന് പോയപ്പോഴാണ് ഈ സംഭവം എന്നോട് പറയുന്നത്. എന്റെ ഭര്‍ത്താവിനെ കാണിച്ചിട്ട് പറഞ്ഞു, ഇയാളുടെ ഭാര്യ കാരണമാണ് അയാള്‍ മരിച്ചത് എന്ന്. പിന്നെ ആളുകള്‍ എല്ലാം എനിക്ക് ചുറ്റും കൂടി. ചിലര്‍ക്ക് കൗതുകം. വേറെ ചിലര്‍ അതിനിടയില്‍ ഫോട്ടോ എടുക്കാനായി വരുന്നു. സത്യത്തില്‍ ആ കല്യാണ വീട്ടില്‍ നിക്കണോ പോണോ എന്ന് അറിയാത്ത അവസ്ഥയിലായിരുന്നു ഞാനെന്നും രശ്മി പറഞ്ഞു.
0 Comments