മിനിസ്ക്രീനിലൂടെ പ്രേക്ഷക ഹൃദയങ്ങളിൽ ചേക്കേറിയ താരമാണ് ദേവിക നമ്പ്യാർ. അഭിനയ മികവിലൂടെയും സൗന്ദര്യത്തിലൂടെയും ആരാധകരുടെ മനം കവർന്ന നായികയാണ് ദേവിക.
രാക്കുയില് എന്ന സീരിയലിലൂടെ ശ്ര ദ്ധേയായ നടിയാണ് ദേവിക. പരിണയം എന്ന സീരിയലിലും ഗംഭീര അഭിനയ പ്രകടനമായിരുന്നു താരത്തിന്റേത്. ഒരുചിരി ഇരുചിരി ബംബര്ചിരി എന്ന ടെലിവിഷന് ഷോയുടെ അവതാരകയായും താരം തിളങ്ങുന്നു. അഭിനേത്രി എന്ന നിലയിൽ കൂടാതെ ദേവിക നല്ലൊരു നര്ത്തകി കൂടിയാണ്.
ഗായകൻ വിജയ് മാധവാണ് ദേവികയെ വിവാഹം കഴിച്ചത്. ഗുരുവായൂര് ക്ഷേത്രത്തൽ വെച്ചായിരുന്നു വിവാഹം നടന്നത്. ഇരുവരുടെയും ഏറ്റവും അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തില് പങ്കെടുത്തത്. ഇരുവരുടെയും പ്രണയ വിവാഹം അല്ലായിരുന്നു. പരിണയമെന്ന പരമ്പരയില് അഭിനയിക്കുന്ന സമയത്താണ് ദേവിക വിജയിയെ ആദ്യമായി കണ്ടത്. അഭിനയത്തിനു പുറമെ പാട്ടിലും തന്റെ കഴിവ് തെളിയിച്ചിരുന്നു ദേവിക. അന്ന് പാട്ട് പഠിക്കാനായി പോയപ്പോഴാണ് വിജയിയുമായുള്ള ദേവികയുടെ ആദ്യത്തെ കൂടി കാഴ്ച്ച. തന്റെ പാട്ടിലൂടെ തനിക്ക് ഒരുപാട് ആരാധികമാരെ കിട്ടി. ജീവിതത്തിൽ താൻ ആരെയും പ്രണയിച്ചിട്ടില്ല. അന്ന് തന്റെ സ്വഭാവം അങ്ങനെയായിരുന്നു. പ്രണയിക്കാൻ ഒന്നും തോന്നില്ല- വിജയ് പറഞ്ഞു. വളരെ സന്തുഷ്ടമായ ദാമ്പത്യ ജീവിതമാണ് ഇരുവരുടെയും. സോഷ്യൽ മീഡിയയിൽ വളരെയേറെ സജീവമാണ് ഈ താര ദമ്പതികൾ. ജീവിതത്തിലെ പുത്തൻ വിശേഷങ്ങൾ എല്ലാം ആരാധകരുമായി ഇരുവരും പങ്കുവെക്കാറുണ്ട്. സ്വന്തമായി യൂട്യൂബ് ചാനലും ഇവർക്കുണ്ട്. അതിലൂടെ വീഡിയോകളും അവര് പങ്കുവെക്കാറുണ്ട്.
ഈയിടെയാണ് താരം ഗർഭിണിയാണെന്ന് വിജയ് മാധവ് അറിയിച്ചത്. കഴിഞ്ഞ കുറച്ചു നാളുകളായി വീഡിയോകൾ കാണാത്തതുകൊണ്ട് ദേവികയെ ആരാധകർ അന്വേഷിച്ചപ്പോഴാണ് വിജയ് മാധവ് ഈ സന്തോഷ വാർത്ത ആരാധകരെ അറിയിച്ചത്. വീഡിയോകൾ ഇടാത്തതിന് കാരണക്കാരൻ ഞാനല്ല. ദേവികയാണ് കാരണം. എന്നാൽ ആ ഗർഭത്തിന് ഉത്തരവാദി ഞാനാണ്. നായിക ഇപ്പോൾ ഗർഭിണിയാണ്. ആദ്യത്തെ ഗർഭമാണ്. അപ്പോൾ ചിലർക്ക് ചില ബുദ്ധിമുട്ടുകൾ ഉണ്ടാവാം. ദേവിക ഇപ്പോൾ ഛർദിയോട് ഛർദിയാണ്.- വിജയ് മാധവ് പറഞ്ഞു.
ഇപ്പോഴിതാ ഈ സന്തോഷ വാർത്തയ്ക്കു പിന്നാലെ ദേവിക തന്റെ ജീവിതത്തിൽ ഉണ്ടായ ഒരു നഷ്ടത്തെ കുറിച്ചു പറഞ്ഞിരിക്കുകയാണ്.തന്റെ ജീവിതത്തിൽ വലിയൊരു നഷ്ടം സംഭവിച്ചു. തന്റെ അഭിനയ ജീവിതത്തിൽ നിന്നും ഒരു ഇടവേള എടുക്കാൻ കാരണം ആ ദുരന്തമായിരുന്നു. ബാലാമാണി എന്ന സീരിയലിൽ അഭിനയിച്ചതിനു ശേഷം ഒരു ബ്രേക്ക് എടുത്തു. കുറെ അവസരങ്ങൾ വന്നിരുന്നു. എല്ലാം നിഷേധിക്കുകയായിരുന്നു.
അഭിനയ ജീവിതം വിട്ട് ഞാൻ ക്രൂഡ് ഓയിൽ ബിസിനസ് ചെയ്തു. ലക്ഷ കണക്കിന് രൂപയാണ് ആ ബിസിനസ്സിന് വേണ്ടി ഇൻവെസ്റ്റ് ചെയ്തത്. പൈസയെല്ലാം തിരികെ തരാമെന്നു പറഞ്ഞിരുന്നു. അപ്പോഴാണ് പൈസ കൊടുത്തയാൾക്ക് സ്ട്രോക് വന്നത്. അങ്ങനെ ലക്ഷക്കണക്കിന് രൂപയാണ് എനിക്ക് നഷ്ടമായത്. പിന്നീട് അഭിനയവും ഡാൻസും യോഗയും എല്ലാം മതിയെന്ന് ഞാൻ തീരുമാനിച്ചു. വീണ്ടും ഞാൻ അഭിനയ ജീവിതത്തിലേക്ക് കടന്നു വന്നു- ദേവിക പറഞ്ഞു. ദേവികയുടെ ജീവിതത്തിൽ ഇത്രയും രൂപ ഒറ്റയടിക്ക് നഷ്ടമായി എന്നറിഞ്ഞപ്പോൾ ആരാധകർ ഞെട്ടിയിരിക്കുകയാണ്.
0 Comments