വീട് നിര്മ്മാണത്തില് ഏറ്റവും പ്രമുഖ സ്ഥാനമാണ് പ്രധാന വാതിലിന് ഉള്ളത്. വീട്ടിനകത്തേക്ക് പോസിറ്റീവ് എനര്ജി എത്തുന്നത് മുന്വാതില് വഴി ആയതിനാല് ശരിയായ ദിശയില് വേണം വാതില് സ്ഥാപിക്കേണ്ടത് എന്ന് വാസ്തു നിഷ്കര്ഷിക്കുന്നു.വാസ്തു പ്രകാരം പ്രധാന വാതില് ഒരുക്കുമ്ബോള് ഇക്കാര്യങ്ങള് പ്രധാനമായും ശ്രദ്ധിക്കണം.
വാസ്തുശാസ്ത്രം നിഷ്കര്ഷിക്കുംവിധം പ്രധാനവാതില് വിന്യസിച്ചാല് കുടുംബാംഗങ്ങളുടെ ക്ഷേമവും, ആരോഗ്യവും ധനവും മെച്ചപ്പെടും എന്നാണ് വിശ്വാസം. മറിച്ചാണെങ്കില് വിപരീതഫലവുമുണ്ടാകാം.വാസ്തുപ്രകാരം പ്രധാന വാതില് സ്ഥാപിക്കുന്നതിനുള്ള ഏറ്റവും ഉചിത സ്ഥാനം കിഴക്ക്, പടിഞ്ഞാറ്, വടക്ക്- കിഴക്ക് എന്നി ഭാഗങ്ങളിലായിട്ടാണ്.
ഈ വശങ്ങള് ഉചിതവും വീട്ടകത്തേക്ക് പോസിറ്റിവ് എനര്ജിയുടെ ഒഴുക്ക് കൂട്ടുന്നതുമാണ്. പ്രധാനവാതില് തെക്ക്, തെക്ക് -പടിഞ്ഞാറ്, വടക്ക് -പടിഞ്ഞാറ് തെക്ക് -കിഴക്ക് ദിശകളില് നിര്മ്മിക്കരുത്. ഈ ദിശകളിലേക്ക് വയ്ക്കുകയാണെങ്കില് ലോഹ പിരമിഡ് ഉപയോഗിക്കണം. ചെമ്ബ്, ഓട് , ലെഡ് എന്നിവയിലുള്ളതാവണം ലോഹ പിരമിഡ്.
പ്രധാന വാതില് മറ്റെല്ലാ വാതിലിനേക്കാള് വലുതായിരിക്കണം. ക്ലോക്ക് ദിശയില് തുറക്കുന്നതായിരിക്കണം. പ്രധാന വാതിലിന് സമാന്തരമായി മൂന്ന് വാതില് വരാതെ നോക്കണം. ഇത് കുടുംബാംഗങ്ങളുടെ സന്തോഷം കെടുത്തും.
മരത്തില് പ്രധാന വാതില് തീര്ക്കുന്നതാണ് ഏറ്റവും ഉചിതം എന്നാല് പ്രധാന വാതില് തെക്ക് ദിശയിലാണെങ്കില് മരവും മെറ്റലും ചേര്ന്ന് വരുന്നതാണ് നല്ലത്. പടിഞ്ഞാറ് ദിശയിലെങ്കില് വാതിലില് ലോഹവും ഉപയോഗിക്കണം. വടക്ക് ദിശയിലാണെങ്കില് സില്വര് നിറം ഉണ്ടായിരിക്കണം. കിഴക്ക് ദിശയിലെങ്കില് കുറഞ്ഞ ലോഹ സാമഗ്രികള് ഉപയോഗിച്ചാല് മതിയാകും.
പച്ചിലകള് കൊണ്ട് പ്രധാന വാതില് അലങ്കരിക്കാവുന്നതാണ്. മൃഗങ്ങളുടെ രൂപങ്ങള്, പൂ ഇല്ലാത്ത് ചെടികള്, ഫൗണ്ടെയിന്സ് എന്നിവ ഒഴിവാക്കണം. ഷൂ റാക്ക് പ്രധാന വാതിലിനോട് ചേര്ന്ന് വേണ്ട. മെയിന് ഡോറിനോട് ചേര്ന്ന് ബാത്ത്റൂം വരരുത്.
0 Comments