മലയാളത്തിലെ ഏറ്റവും മികച്ച നടനായ സുകുമാരന്റെ ഭാര്യ , മലയാളത്തിലെ നടനും സംവിധായകനും നിർമാതാവുമെല്ലാമായ പൃഥ്വിരാജ് സുകുമാരന്റെയും നടൻ ഇന്ദ്രജിത് സുകുമാരന്റെയും അമ്മയും മലയാളത്തിന്റെ പ്രിയ നടിയായ മല്ലിക സുകുമാരൻ.
എന്നാൽ ഒട്ടേറെ ആളുകൾക്ക് അറിയാം എങ്കിൽ കൂടിയും ചിലർക്കെങ്കിലും അറിയില്ലാത്ത ഒരു കാര്യമുണ്ട്. മല്ലിക ആദ്യം വിവാഹം കഴിക്കുന്നത് മലയാളത്തിന്റെ ഹാസ്യ സാമ്രാട്ട് ജഗതി ശ്രീകുമാറിനെയാണ് എന്നുള്ളത്. അഭിനയ ലോകത്തിൽ ശോഭിക്കുക എന്നുള്ളത് തന്നെയായിരുന്നു രണ്ടുപേരുടെയും സ്വപ്നം.
കോളേജ് കാലഘട്ടം മുതൽ കലാപരമായ കഴിവുകൾ കൊണ്ട് സമകാലികരെ മുഴുവൻ വിസ്മയിപ്പിക്കാൻ ജഗതിക്ക് കഴിഞ്ഞിരുന്നു. തന്റെ പ്രണയിനിയും അതെ കോളേജിൽ തനിക്കൊപ്പം പഠിച്ചയാൾ ആകുക ആയിരുന്നു.
കലാപരമായി നിരവധി കഴിവുകളുള്ള മല്ലികയും പഠന കാലത്ത് തന്നെ താരം ആയി മാറിയ ജഗതി ശ്രീകുമാറും തമ്മിൽ അടുത്തു. പ്രണയം തലക്ക് പിടിച്ചപ്പോൾ രണ്ടുപേരും ഒന്നിച്ചു ജീവിക്കാൻ തീരുമാനിച്ചു. തങ്ങളുടെ ജീവിതം കൂടുതൽ മികവുള്ളതാക്കാൻ അന്നത്തെ സിനിമ കോട്ടയായ മദ്രാസിലേക്ക് വണ്ടി കയറി.
സിനിമയിൽ ഭാഗ്യം പരീക്ഷിക്കുകയായിരുന്നു ലക്ഷ്യം. എന്നാൽ പ്രണയ കാലം പോലെ അത്ര സുന്ദരവും മധുരമുള്ളതും ആയിരുന്നില്ല ഇരുവരുടെയും മദ്രാസിലെ ജീവിതം. അഭിപ്രായ ഭിന്നതകൾ പതിയെ ഉണ്ടാകാൻ തുടങ്ങി. 1976 ലാണ് ഇരുവരും വിവാഹിതരായത്. എന്നാൽ ഈ ബന്ധത്തിന്റെ ആയുസ്സ് വളരെ കുറിച്ചുമാത്രം ആയിരുന്നു.
മൂന്ന് വർഷത്തെ തർക്കങ്ങളും പിണക്കങ്ങളും നീണ്ട ബന്ധത്തിനു ശേഷം ഇരുവരും വിവാഹമോചിതരായി. 1979 ലാണ് ഇരുവരും നിയമപരമായി ബന്ധം വേര്പ്പെടുത്തിയത്. ഈ ബന്ധത്തിൽ കുട്ടികളില്ല. ജഗതിയുമായുള്ള ബന്ധം അവസാനിപ്പിച്ച ശേഷമാണ് അന്ന് കത്തിജ്വലിച്ചു നിന്നിരുന്ന നടൻ സുകുമാരനെ മല്ലിക വിവാഹം കഴിച്ചത്.
0 Comments