വിവാഹശേഷം അഭിനയത്തില് നിന്നും മാറി നില്ക്കുന്നുണ്ടെങ്കിലും വേറിട്ട വിഭവങ്ങള് പരിചയപ്പെടുത്തി പ്രേക്ഷകരിലേക്ക് എത്താറുണ്ട് നടി ആനി. പാചക പരിപാടികളില് സജീവം ആണ് താരം. തിരുവനന്തപുരത്ത് റിങ്സ് ബൈ ആനി റസ്റ്റോറന്റ് നടത്തുന്നുണ്ട് നടി. കഴിഞ്ഞദിവസം പുതിയ റസ്റ്റോറന്റ് കൊച്ചിയില് ആരംഭിച്ച സന്തോഷവും താരം അറിയിച്ചിരുന്നു. ഇപ്പോള് ഇടപ്പള്ളിയില് ഇതേ റസ്റ്റോറന്റ് തുടങ്ങാന് കഴിഞ്ഞതിന്റെ സന്തോഷത്തിലാണ് താരദമ്പതികള് .
തിരുവനന്തപുരത്തെ ഹോട്ടലിലെ കാര്യങ്ങളെല്ലാം മൂത്തമകനാണ് നോക്കുന്നതെന്ന് ആനി പറയുന്നു. തനിക്ക് ഏറെ പ്രിയപ്പെട്ട ഒന്നാണ് പാചകം. തന്റെ ഫുള് സപ്പോര്ട്ട് ഏട്ടനും മക്കളും തന്നെയാണ്. ഒരു സ്ത്രീയെ സംബന്ധിച്ച് കുടുംബത്തില് നിന്ന് കിട്ടുന്ന പിന്തുണ വളരെ വലുതാണ്. അമ്മ ചെയ്തോളൂ ഞങ്ങള് ഞങ്ങളുടെ കാര്യം നോക്കാം എന്ന് അവര് പറയുമ്പോള് ഒരു അമ്മയ്ക്ക് കിട്ടുന്ന ഒരു കോണ്ഫിഡന്സ് ഉണ്ട്.
ഇതിലൂടെ ഒരാള്ക്കെങ്കിലും ജോലി കൊടുക്കാന് കഴിയുന്നത് വലിയ കാര്യമാണ്. അതേസമയം കഴിഞ്ഞ ദിവസം സോഷ്യല് മീഡിയയില് പോസ്റ്റ് ചെയ്ത കുടുംബ ചിത്രത്തെക്കുറിച്ചും ഷാജി കൈലാസ് പറയുന്നു. കുറേ കാലത്തിനു ശേഷമാണ് ഒരു ഗ്രൂപ്പ് ഫോട്ടോ എടുക്കുന്നത്. അതിന് താഴെ വന്ന പ്രതികരണം കണ്ടപ്പോഴാണ് മനസ്സിലായത് പ്രേക്ഷകര്ക്ക് ഞങ്ങളോടുള്ള സ്നേഹത്തെക്കുറിച്ച്. ആ സ്നേഹം എന്നും നിലനില്ക്കണം എന്നാണ് ഇപ്പോഴുള്ള പ്രാര്ത്ഥന താരം പറഞ്ഞു.1996ല് സംവിധായകന് ഷാജികൈലാസുമായുളള പ്രണയ വിവാഹത്തോടെയാണ് നടി സിനിമ വിട്ടത്. വിവാഹ ശേഷം അഭിനയിക്കുന്നതില് ആദ്യമേ താല്പര്യം ഉണ്ടായിരുന്നില്ലെന്ന് ആനി പറഞ്ഞിരുന്നു. എന്നാല് മറ്റു ചാനല് പരിപാടിയില് ആനി സജീവം ആണ്.
0 Comments