മലയാളികൾ ഹൃദയത്തിൽ ഏറ്റെടുത്ത പരമ്പരയാണ് മൗനരാഗം. ചുരുങ്ങിയ സമയം കൊണ്ട് തന്നെ കേരളക്കരയിലെ പ്രേക്ഷകരുടെ ഹൃദയത്തിൽ തനതായ ഇടം നേടാൻ പരമ്പരയ്ക്കു കഴിഞ്ഞു. കല്യാണി എന്ന ഒരു ഉമ്മ പെണ്ണിൻ്റെ ജീവിതത്തിലൂടെയാണ് കഥ മുന്നോട്ട് പോകുന്നത്.
സ്വന്തം അച്ഛൻ പോലും വെറുക്കുന്ന കല്യാണി വീട്ടുവേലക്കാരിയെ പോലെയാണ് സ്വന്തം വീട്ടിൽ ജീവിക്കുന്നത്. എന്നാൽ പിന്നീട് കിരണിനെ കണ്ടുമുട്ടുന്നതും ഇരുവരും പ്രണയിക്കുന്നതുമൊക്കെ കല്യാണിയുടെ ജീവിതം മാറ്റി മറിക്കുന്നു. ഭാഷകൾക്കപ്പുറം മൗനത്തിലൂടെയുള്ള കല്യാണിയുടെയും കിരണിന്റെയും പ്രണയം ആരാധകരും ഏറ്റെടുത്തു കഴിഞ്ഞു.
പരമ്പരയിലെ പ്രധാന കഥാപാത്രമായ ഊമ പെണ്ണിനെ അവതരിപ്പിക്കുന്നത് തമിഴ്നാട് സ്വദേശിനിയായ ഐശ്വര്യ രംസ്വാമിയാണ്. അതേസമയം നായകനായ കിരണിനെ അവതരിപ്പിക്കുന്നതും നലീഫ് എന്ന അന്യ ഭാഷ താരം തന്നെയാണ്. ഇതിനോടകം നാലോളം തമിഴ് സീരിയലുകളിൽ അഭിനയിച്ചിട്ടുണ്ട് ഐശ്വര്യ. സുമംഗലി എന്ന പരമ്പരയിലെ നായിക കഥാപാത്രത്തെയാണ് താരം അവതരിപ്പിച്ചത്. തമിഴ് സ്വദേശിനീ ആയതു കൊണ്ട് തന്നെ മലയാളം താരത്തിന് തീരെ അറിയില്ല. എന്നാൽ മലയാളം പഠിക്കാനുള്ള ശ്രമത്തിലാണ് ഐശ്വര്യ ഇപ്പോൾ. പരമ്പരയിൽ ഊമ കഥാപാത്രം ആയതു കൊണ്ട് തന്നെ താരത്തിന് മലയാളം ഡയലോഗ് പറയുന്നതിലെ പ്രശ്നം ഒഴിവാക്കാൻ കഴിഞ്ഞു. ചെറുപ്പകാലം മുതലേ അഭിനയത്തോട് ഏറെ താല്പര്യമുള്ള താരമാണ് ഐശ്വര്യ. താരത്തിന്റെ രണ്ട് സഹോദരിമാരും തമിഴ് പരമ്പരകളിൽ അഭിനയിക്കുന്നവർ തന്നെയാണ്.
സ്കൂളിൽ പഠിക്കുമ്പോൾ തന്നെ താരം പരമ്പരകളിൽ അഭിനയിച്ചിരുന്നു. മാത്രമല്ല കോളേജ് പഠന കാലത്ത് പഠനം പകുതി വഴിയിൽ ഉപേക്ഷിച്ച് പരമ്പരകളിൽ ശ്രദ്ധ ചെലുത്തുകയും ചെയ്തു.മൗനരാഗത്തിലെ കല്യാണി എന്ന കഥാപാത്രവുമായി യഥാർത്ഥ ജീവിതത്തിലും തനിക്ക് ചില സാമ്യതകൾ ഉണ്ടെന്നും താരം പറയുന്നു. കല്യാണി എപ്പോഴും ത്യാഗ മനോഭാവമുള്ള പെൺകുട്ടിയാണ്. അതേസമയം താൻ യഥാർത്ഥ ജീവിതത്തിൽ മറ്റുള്ളവരെ എങ്ങനെ ബുദ്ധിമുട്ടിക്കാതെയിരിക്കാം എന്ന് എപ്പോഴും ശ്രദ്ധിക്കുന്ന വ്യക്തിയാണെന്നും താരം പറയുന്നു. അതുപോലെ തന്നെ മറ്റുള്ളവരെ സഹായിക്കാൻ കിട്ടുന്ന അവസരങ്ങളൊന്നും താൻ പാഴാക്കാറില്ലെന്നും താരം പറയുന്നു. അതേസമയം പ്രണയം നല്ലൊരു വികാരമാണെന്നും ഐശ്വര്യ രാമസ്വാമി പറയുന്നു.
പഠിക്കുന്ന കാലം തൊട്ടേ അഭിനയത്തിലും ഷൂട്ടിംഗ് ലൊക്കേഷനിലും തിരക്കായത് കൊണ്ട് തന്നെ തനിക്ക് പ്രണയിക്കാൻ അവസരം ലഭിച്ചിട്ടില്ലെന്നും താരം വ്യക്തമാക്കുന്നുണ്ട്. തനിക്ക് എപ്പോഴും പ്രണയം തോന്നിയിട്ടുള്ളത് അമ്മയോടാണ് എന്നും താരം പറയുന്നു. സിനിമയിൽ അഭിനയിക്കാനും താൽപര്യമുണ്ടെന്ന് ഐശ്വര്യ പറയുന്നുണ്ട്. ഇപ്പോൾ മലയാളികളുടെ പ്രിയങ്കരിയായി മാറിയിരിക്കുകയാണ് കല്യാണി. അടുത്തിടെയാണ് കല്യാണിയുടെയും കിരണിന്റേയും വിവാഹത്തിന്റെ എപ്പിസോഡുകൾ പരമ്പരയിൽ നടന്നത്. ഏറെ ആഘോഷമാക്കിയ വിവാഹത്തിന് പങ്കെടുക്കാൻ നടി ശ്വേതാ മേനോനും മറ്റു പരമ്പരകളിലെ നായികമാരുമടക്കം നിരവധി താരങ്ങൾ പരമ്പരയിൽ എത്തിയിരുന്നു.
0 Comments